Sunday, April 7, 2013

ඉතින් පලයන් පුතේ..





එකම එක දවසක්
රහසේම වුනු දේට
උඹ පලි නැ පුතේ
ඒත් නැ විසඳුමක්..

නොදන්වා රහසේ ම
සරණක් හොයාගෙන
ආවත් මයේ ළඟට
සොයමි සරණක් මමත් තවම

උඹට කන්නට දෙන්නේ
කෝමෙයි මයෙ පුතේ
මටත් කන්නට දෙන්නෙ
මයේ අම්මා වෙච්චි කොට

රහසේම ආ විලස
අප්ප උඹේ රහසින් ම
පිටවෙල ගිහින් මට
නොකියාම නොදන්වා

රට්ටු මට පද හදයි
බෑ ඒවා ඉවසන්න
මං තවම ඉස්කොලේ
දොලැහේ පන්තියේ පුතේ

ආවොතින් මයේ ළඟට
අපහාසමයි උඹට
ඉතින් පලයන් පුතේ
වෙන කුසක් හොයාගෙන...