ඉතින් පලයන් පුතේ..





එකම එක දවසක්
රහසේම වුනු දේට
උඹ පලි නැ පුතේ
ඒත් නැ විසඳුමක්..

 නොදන්වා රහසේ ම
සරණක් හොයාගෙන
ආවත් මයේ ළඟට
සොයමි සරණක් මමත් තවම

 උඹට කන්නට දෙන්නේ
කෝමෙයි මයෙ පුතේ
මටත් කන්නට දෙන්නෙ
මයේ අම්මා වෙච්චි කොට

 රහසේම ආ විලස
අප්ප උඹේ රහසින් ම
පිටවෙල ගිහින් මට
නොකියාම නොදන්වා

 රට්ටු මට පද හදයි
බෑ ඒවා ඉවසන්න
මං තවම ඉස්කොලේ
දොලැහේ පන්තියේ පුතේ

 ආවොතින් මයේ ළඟට
අපහාසමයි උඹට
ඉතින් පලයන් පුතේ
වෙන කුසක් හොයාගෙන... 

Comments

  1. කළුවර හීනයApril 7, 2013 at 10:16 PM

    කාලෙකට පස්සේ ඇවිත් තියෙන්නේ...

    දරුවෙක් බිහිකරගන්න බැරි හුඟක් අම්මාලා අසරණ වෙන තැනක්

    ReplyDelete
    Replies
    1. Red Riding HoodMay 26, 2013 at 10:38 PM

      ඇත්ත අක්කේ.. බොහෝම ස්තූතියි කොමෙන්ටුවට..

      Delete
  2. ShammiApril 7, 2013 at 11:16 PM

    කොහෙද අනේ ගිහින් හිටියේ,, ?? ම්ම්ම්,, ඉදලා ඉදලා සංවේදී පෝස්ට් එකක් දාලා තියෙන්නෙ :/

    ReplyDelete
    Replies
    1. Red Riding HoodMay 26, 2013 at 10:39 PM

      දැන් බ්ලොග් ලියන්න කම්මැලි අප්පා.. හික්ස්.... බොහෝම ස්තූතියි යාළු..

      Delete
  3. නාඩියා නාඩිරත්නApril 8, 2013 at 9:55 AM

    මොනවා කරන්නද....ඉපදීමද දුකකි..........

    ReplyDelete
    Replies
    1. Red Riding HoodMay 26, 2013 at 10:40 PM

      සහතික ඇත්ත නාඩියෝ..

      Delete
  4. DudeApril 8, 2013 at 12:18 PM

    මේවා නම් උත්තර නැති ප්‍රශ්න රෙඩා. විවාහක ජෝඩුවකටත් සමහර විට බරක් වෙන දේ, දොළහෙ පන්තියෙ ලමයට බරක් වෙන එක අහන්න දෙයක්ද?

    ReplyDelete
    Replies
    1. Red Riding HoodMay 26, 2013 at 10:41 PM

      ඒක ඇත්ත.. මේවාට අම්මට විතරක් දොස් කියන එක වැරදියි..

      Delete
  5. samakayawateApril 8, 2013 at 1:54 PM

    මොනව කියන්නද මන්දා සාර්ථක නිර්මාණයක්...සංවේදියි..

    ReplyDelete
    Replies
    1. Red Riding HoodMay 26, 2013 at 10:42 PM

      බොහෝම ස්තූතියි යාළු..

      Delete
  6. AnonymousApril 8, 2013 at 9:30 PM

    හ්ම්.. වෙන මොනවා කරන්න ද.. (ඔයා කාලෙකට පස්සේ)

    ReplyDelete
    Replies
    1. Red Riding HoodMay 26, 2013 at 10:43 PM

      හිහි..ඔව් අනේ.. දැන් ලියන්න කම්මැලි අප්පා..

      Delete
  7. nishiApril 9, 2013 at 2:10 AM

    සංවේදි නිර්මාණයක් රෙඩ්
    ඇත්තටම මෙහෙම හිතින් විදවන කෙල්ලො කොච්චර ඇද්ද..

    ReplyDelete
    Replies
    1. Red Riding HoodMay 26, 2013 at 10:42 PM

      බොහෝම ස්තූතියි යාළු.. :)

      Delete
  8. DineshApril 9, 2013 at 3:39 AM

    කියන්න දෙයක් හිතා ගන්න බෑ රෙඩ්.. ඇත්තටම සංවේදියි..

    ReplyDelete
    Replies
    1. Red Riding HoodMay 26, 2013 at 10:43 PM

      බොහෝම ස්තූතියි යාළු.. :)

      Delete
  9. AnonymousApril 15, 2013 at 12:37 PM

    හැමෝටම සුබ අලුත් අවුරුද්දක් වේවා ! :)

    ReplyDelete
  10. වැසි දැරිය - The Rain Girl May 25, 2013 at 10:41 PM

    exelant!

    ReplyDelete
  11. Red Riding HoodMay 26, 2013 at 10:44 PM

    ඔබටත් එසේම වේවා.. :)

    ReplyDelete
  12. ...May 27, 2013 at 6:38 PM

    ගොඩක් කාලෙකින් මෙහෙට ආවේ අක්කියෝ... බ්ලොග් ලිස්ට් එක අප්ඩේට් වෙන්නේ නෑ. :( ගොඩක් සංවෙදී නිර්මාණයක් අක්කි..නියමයි !

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his gu...
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්...
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම...
Read more