Saturday, September 21, 2013

~අඳුරු පාළු කුටියක~





හිත පතුලේ පාමුල ම
අඳුරු පාළු කුටියක
සිර කලා මං මගේ
අඳුරු මතකයන් පොදිය

කුඩා සිදුරක් පවා
ඉතිරි නොවෙනා ලෙසට
සිහින් සරයක් පවා
පිටට නොඇසෙනා ලෙස

දොර පොළුද ඉබි යතුරු
දැමුවෙමි ඒ දොරට
සීල් තැබුවෙමි මම
පතුලේ ඒ අඳුරු කුටිය

දිනෙන් දින ගෙවීයත්ම
අමතක වුණා මට ම
මං සීල් කරපු ඒ
පාළු හුදකලා කුටිය

පාළු හැන්දෑවක දිනක්
මතකයන් දෝරේ ගියා
කුටිය පුපුරවාගෙන
මතකයන් පැන ගියා

නෑ සවියක් ඉතින්
යලිත් බැඳ දමන්නට
නොදැමුණු අසුන් මෙන්
දිව යනා මතකයන්..