නොමියන සිහිනය


දෙන්නට හැකිනම් ඔබට
එකම එක දවසකට
හඬා වැටෙනා මගේ නෙත්
දකීවී නුඹ කොතරම්
වටිනවාදැයි නුඹව මට


පිවිසෙන්න හැකිනම් ඔබට
එකම එක සැරයක්
ගල් වෙච්ච මගේ හිතට
දකීවී නුඹ පිරී තිබෙනා
මගේ හද නුඹ නමින් ම


වෙන්නට හැකිනම් ඔබට
එකම එක වාරයක්
හුදකලා මගේ සිතුවිල්ලක්
පෙනේවී නුඹට සිතුවිලි
අරක් කරගත් නුඹේ මතක


වෙන්නට හැකිනම් ඔබට
එකම එක මොහොතකට
මගේම විතරක් ලෝකයෙන්ම
දැනේවි නුඹට සිත පුරා
ගලා හැලෙනා සොඳුරු පෙම


දකින්නට හැකිනම් ඔබට
එකම එක වරක්
ලොවම මාගේ නෙත් තුලින්
නුඹටම පෙනේවී නුඹව
සදා නොමියන සිහිනය ලෙසින්..

Comments

  1. DineshNovember 4, 2011 at 1:46 AM

    එබෙන්නට හැකිනම් නුඹට
    මගේ ලෝකෙට එකම එක වතාවකට
    දකිවි නුඹ මගේ පැතුම් ගොන්නම
    නුඹ නමින් විතරක්ම පැතුව...

    ReplyDelete
  2. සිත් අහසNovember 4, 2011 at 8:23 AM

    මේ ගලන කඳුළු
    ගිනි කන්දකින් වැටෙන ලෝදිය වී
    නුඹ මතට කඩා හැළුනා නම්,
    මා දැවෙන තරමක්,
    නුඹට දැනගන්නට තිබුනා,.

    මේ ගැහෙන හදවත,
    වේදනා විඳින තරමක්,
    මගේ හදවතේ ලේ බිඳුවක් වෙලා
    නුඹ ගලා ගියා නම්,.
    නුඹට දැනගන්නට තිබුනා,..

    මේ ලියන කවි පද,
    මගේ සුරතේ ‍රැ‍ඳෙන පන්හිඳ වී
    නුඹට පෙනුනා නම්,
    මා පෙම් කරන තරමක්,
    නුඹට දැනගන්නට තිබුනා,.

    මේ මම මාසෙකට විතරකලින් ලියපු කවියක්. ඔයාගේ කවිය දැක්කම මට මේක මතක් වුනා,. හරිම ලස්සනයි නගෝ ඔයාගේ කවිය,. :)

    ReplyDelete
  3. Red Riding HoodNovember 4, 2011 at 8:32 AM

    Dinesh- සත්තකටම... එකම එක සැරයක්..
    එබෙන්න මගේ හිතට
    නොදැක්කොත් මගේ පැතුම් ඔබ
    නිහඬවම නිකමයමි ඔබ වෙතින්
    යලිත් නො එන්නටම...

    බොහොම ස්තූතියි ලස්සන කොමෙන්ටුවට..

    ReplyDelete
  4. Red Riding HoodNovember 4, 2011 at 8:34 AM

    Prarthana akki- හරිම ලස්සන කවියක් අක්කියො..
    අනේ මන්දා අපි දෙන්න එකම වගේ එවා හරියට ලියනවා නේ..

    ReplyDelete
  5. පූසාNovember 6, 2011 at 11:53 AM

    නන්දා මාලිනීගේ සිංදුවක් මතක් වුනා මේක දැක්කාම...

    වහින්නට හැකිනම් ගිගුම් දී
    වියළි ගම් බිම් වලට ඉහලින්...
    ඉදෙන්නට හැකිනම් බතක් වී
    බතක් නොඉදෙන පැළක රහසින්..
    රැදෙන්නට හැකිනම් ළමාකැළ
    හඬන දෙතොලග සිනාවක් වී...
    පිපෙන්නට හැකිනම් තුරින් තුර
    නෙළා ගතහැකි වන මලක් වී...

    ReplyDelete
  6. SabithNovember 10, 2011 at 11:35 PM

    ගොඩක් ලස්සනයි!

    ReplyDelete
  7. Red Riding HoodNovember 20, 2011 at 1:27 AM

    ලස්සන සින්දුවක්.. බොහෝම ස්තුතියි..පූසා

    ReplyDelete
  8. Red Riding HoodNovember 20, 2011 at 1:28 AM

    බොහෝම ස්තූතියි සබිත

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his guidance
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම
Read more