~ආල සැඳෑව~





සීත සැන්දෑවක 
සිත මගේ ගී
ගයන වෙලාවක..
අඳුර මැදින්
සඳ කුමරුන්
වඩින වෙලාවක..
මටත් හොරෙන්
මගේ හිතට
පිවිසි වෙලාවක...
දුටුවා නේද 
මගේ හිත නුඹ
ආල සැඳෑවක..

 පාද බැඳුනු
මිණි කිංකිණි
සැලුනු වෙලාවේ..
අතේ රැඳුනු
වළළු ජෝඩු
කැලඹි වෙලාවේ..
දෙනෙත් අඟින්
නුරා බැලුම් 
හෙලුනු වෙලාවේ..
ගියා නේද
හිත අරගෙන
ආල සැඳෑවේ..

 සිතාරයෙන්
වැයෙන තනුව
හිත් අමුණනවා..
සිහින් සරින්
ගැයෙන ගීය
හැඟුම් මවනවා..
නාද හඬට
නැටෙන පාද
එකට ගැටෙනවා..
හැමට හොරෙන්
කුමරුන් මගේ
ලොවට වඩිනවා..

 තාල සොයන
නාද රටා
ඔහේ තියෙද්දෙන්...
ස්වර අල්ලන
මිහිරි තනුව
ඔහේ ගැයෙද්දෙන්..
නාද හඬට
තැබෙන පාද
ඔහේ නැටෙද්දෙන්..
ආල සැඳෑවම
අප දෙස
බලා හිඳෙද්දෙන්...

 ප.ලි : හිතට ආපු වචන පෙළක් කවියක් කලා.. කොහොම දැනෙයිද දන්නේ නැ.. ඔන්න විරහා කවි එපා අයට නිකන් ඔහේ කවියක් ලිව්වා... බලාපොරොත්තුවේ කවක්.. :)
හෙට මම මගේ යාලුවෙක්ගේ ගෙදර යනවා ලඟ එන විභාගයට පාඩම් කරන්න. අදින් නිවාඩුව ඉවරයි. ලබන 25 විභගේ පටන ගන්නවා. ඒ වෙනකන් ඔයාලගේ පොස්ට් කියවන්න පුලුවන් වුනත් කමෙන්ට් කරන එක නම් අඩු වෙයි. ඒ වගේ අලුත් පොස්ට් දාන එකත් අඩු වෙයි. සති තුනක් විතර යනකන් විභාගය හෙවත් අභාගයට මම මුහුණ දෙනවා. ඒ නිසා ගැත්තීට අනුකම්පා කරන සේක්වා.. හිහි.. ජය වේවා..

Comments

  1. සිහින මදාරාOctober 15, 2012 at 6:58 PM

    සිතුවිල්ල ලස්සනයි රෙඩෝ..... විභාගෙට හොදින් මුණදෙන්න ලැබෙන්න ඔනි!!!. දැන් ඉතින් අපිටත් විභාගේ තියයි අෆ්ෆා :(((

    ReplyDelete
    Replies
    1. Red Riding HoodOctober 15, 2012 at 10:04 PM

      බොහෝම ස්තූතියි මදාරෝ.. :) ඔව් ඔව්..ඔයාලත් තියෙයි..
      ජය..

      Delete
  2. Isuru Sampath (ඉසුරු)October 15, 2012 at 6:58 PM

    හා හා..ලස්සනයි ලස්සනයි කවි ටික...අභාග්‍යසම්පන්න විබාගේ මේ භාග්‍යවන්තියට පහසුවක්ම වේවා කියල පතනවා...

    ReplyDelete
    Replies
    1. Red Riding HoodOctober 15, 2012 at 10:06 PM

      අන්න.. පින් ලැබේනවා ඒ පැතුමට නම්.. ජය වේවා..

      Delete
  3. AnonymousOctober 15, 2012 at 7:16 PM

    සියලු දේ සාර්ථක කරගන්න..ජය!

    ReplyDelete
    Replies
    1. Red Riding HoodOctober 15, 2012 at 10:07 PM

      බොහෝම ස්තූතියි හිරුවෝ..
      ජය වේවා...

      Delete
  4. තරියාOctober 15, 2012 at 7:21 PM

    ඒ රෙඩා මේක නිකං ලියැවිච්ච එකක්නං වෙන්න බැරියෝ...

    ReplyDelete
    Replies
    1. Red Riding HoodOctober 15, 2012 at 10:09 PM

      තරියා මේ ප්‍රකාශය කලේ කවියේ යටි අරුත වටහාගෙනද නැතුවද.. O_o

      හිහි..
      නිකමට වගේ ලියපු එකක් අනේ... :D

      Delete
  5. MR. KINGOctober 15, 2012 at 7:29 PM

    බුකියේ දැමූ ගෙරවිල්ලක් මත පණ කඩාගෙන දුවගෙන ආවෙමි.

    කෝ බලමූ..............

    ආ...මැක්සිමම් ඈ :)

    සුභ වේවා!!! රාජ සම්පත් ලැබේවා!!!

    ReplyDelete
    Replies
    1. Red Riding HoodOctober 15, 2012 at 10:10 PM

      අන්න එහෙම තමා රජවරු වුනත්.. මහ ජනයාට කන්දිය යුතුයි.. හිහි..
      ජය වේවා...

      Delete
  6. RajOctober 15, 2012 at 7:38 PM

    විභාගය ජයගන්න සුබ පැතුම් නිර්මානයත් අපූරුයි

    ReplyDelete
    Replies
    1. Red Riding HoodOctober 15, 2012 at 10:12 PM

      බොහෝම ස්තූතියි සහෝ.. :)

      Delete
  7. වර්ණාOctober 15, 2012 at 7:51 PM

    හොඳට විභාගේ ලියන්න කෙල්ලේ

    ReplyDelete
    Replies
    1. Red Riding HoodOctober 15, 2012 at 10:13 PM

      තැන්කූ වේවා කෙල්ල...
      ජය වේවා.. :)

      Delete
  8. meegodayaOctober 15, 2012 at 7:55 PM

    ලස්සන, අහිංසක බලාපොරොත්තුවක්..

    විභාගෙට හොඳට ලියන්න

    ReplyDelete
    Replies
    1. Red Riding HoodOctober 15, 2012 at 10:14 PM

      බොහොම ස්තූතියි සහෝ.. :)

      Delete
  9. WeniOctober 15, 2012 at 8:05 PM

    Wish you all the best for your exams !

    ReplyDelete
  10. ShammiOctober 15, 2012 at 8:11 PM

    මේකට මම හෙන..................... ආසයි... ම්ම්ම්..මම මියුසික් එකක් දා ගත්තා.. ලස්සනයි..
    ජය!!!

    ReplyDelete
    Replies
    1. Red Riding HoodOctober 15, 2012 at 10:16 PM

      හිහි..මේක ලියනකොට මගේ හිතෙත් තාලයක් තිබුනා.. :)
      ස්තූතියි යාළු..

      Delete
  11. සිත් අහසOctober 15, 2012 at 8:26 PM

    තාල සොයන
    නාද රටා
    ඔහේ තියෙද්දෙන්...
    ස්වර අල්ලන
    මිහිරි තනුව
    ඔහේ ගැයෙද්දෙන්..
    නාද හඬට
    තැබෙන පාද
    ඔහේ නැටෙද්දෙන්..
    ආල සැඳෑවම
    අප දෙස
    බලා හිඳෙද්දෙන්...
    හරිම ලස්සනයි... මේ අන්තිම පද ටික ලියවිලා තියෙන විදියට මම හරිම ආසයි නංගියෝ...

    ReplyDelete
    Replies
    1. Red Riding HoodOctober 15, 2012 at 10:18 PM

      බොහොම ස්තූතියි අක්කියෝ.. :)
      ජය වේවා..

      Delete
  12. The තරුවාOctober 15, 2012 at 8:37 PM

    විභාග මානසිකත්වයෙන් ඉන්නා විට මෙවැනි කවි බිහි වන බව අත්දැකීමෙන්නම දනිමි.....අම්මපා මෙව්වා ලියන්න කරන්න හිතෙන්නෙම ඔය කාලෙටනේ...මොකද මන්දා....

    ReplyDelete
    Replies
    1. Red Riding HoodOctober 15, 2012 at 10:20 PM

      ඒකනේ වැඩේ කියන්නේ තරූවෝ.. විභාග කාලෙට තමා මම වැඩිපුරම බ්ලොග් ලියන්නේ.. කොහොමත් මේ සැරේ ඒදේ වෙන එකක් නැ වගේ.. ගෙදරින් පිට තමා ඉන්න යන්නේ..ජය වේවා..

      Delete
  13. වීපොකුරෙ වීයාOctober 15, 2012 at 9:16 PM

    හරියට නිකං ගී පදරචනාවක්දෝ කියල හිතෙනව.

    ReplyDelete
    Replies
    1. Red Riding HoodOctober 15, 2012 at 10:27 PM

      ම්ම්..මේක ලියනකොට නම් පොඩි ටියුන් එකක් හිතේ තිබුනා.. :)
      ස්තූතියි...

      Delete
  14. සිරාගෙ කාමරේOctober 15, 2012 at 9:42 PM

    ලියැවිල්ල ඇතුලෙ ලස්සන රිද්මයක් තියෙනවා... මට කියවද්දි ඒ බැව් හොදටම දැනුනා....ජය !

    ReplyDelete
    Replies
    1. Red Riding HoodOctober 15, 2012 at 10:28 PM

      බොහොම ස්තූතියි සහෝ.. පුලුවන් කෙනෙක් ඉන්නවා නම් ටියුන් එකක් දාලා දෙන්න කියලා කියන්න ඕනේ.. :)

      Delete
  15. ශයංගගේ ප්‍රාන්තයOctober 15, 2012 at 10:11 PM

    වෙනද වගේම අදත් එල කිරිම තමයි ...ඒ වගේම විභාගයටත් සුබ පැතුම්...කමෙන්ට් කරන එක අඩු උනාට , අලුත් පොස්ට් දාන එක අඩුඋනාට කමක් නෑ එක්සෑම් එක කරගන්නකො

    ReplyDelete
    Replies
    1. Red Riding HoodOctober 15, 2012 at 10:30 PM

      තැන්කු වේවා අයියා.. :)
      ජය වේවා...

      Delete
  16. Sukhitha Srimal BulathinghalaOctober 15, 2012 at 10:13 PM

    ලස්සනයි නංගි..සරලයි..නියමයි :D
    ආ..විභාගයට ජයවේවා කිව්වා එහෙනම් .:D

    ReplyDelete
    Replies
    1. Red Riding HoodOctober 15, 2012 at 10:31 PM

      බොහොම ස්තූතියි අයියා.. :)
      ජය!!

      Delete
  17. AnonymousOctober 15, 2012 at 11:53 PM

    ලස්සනයි.. ඈ :)
    විභාගයට සුබ පතනවා.!!

    ReplyDelete
    Replies
    1. Red Riding HoodOctober 19, 2012 at 1:39 AM

      බොහොම ස්තූතියි සහෝ.. :)

      Delete
  18. MalyaOctober 16, 2012 at 10:26 AM

    විභාගෙට සුභ පැතුම්..කවිය ලස්සනයි..

    ReplyDelete
    Replies
    1. Red Riding HoodOctober 19, 2012 at 1:54 AM

      ස්තූතියි මාල්.. ජය වේවා...

      Delete
  19. රොබින්October 16, 2012 at 12:02 PM

    විබාගේ හොදින් පාස් වෙන්න කියලා සුබ පතනවා

    ReplyDelete
    Replies
    1. Red Riding HoodOctober 19, 2012 at 1:40 AM

      බොහොම ස්තූතියි සහෝ.. :)

      Delete
  20. හිතුවක්කාර කෙල්ලOctober 16, 2012 at 7:36 PM

    ලස්සනම ලස්සන කවි ටික...:)

    හෆ්ෆෝ විභාග... ඔය කරදරෙන් යාන්තම් මිදුනා විතරයි... කොහොම වුනත් රෙඩ්, හොදින් විභාග කටයුතු කරගන්න.. සුභ පැතුම්!!!!

    ReplyDelete
    Replies
    1. Red Riding HoodOctober 19, 2012 at 1:53 AM

      ස්තූතියි හිතූ...මන් දැක්කා බුකියේ දාලා තියෙනවා විභාගේ ඉවරයි කියලා.. හිහි.. ජය වේවා..

      Delete
  21. DudeOctober 16, 2012 at 10:51 PM

    රෙඩ්ගෙ විබාගෙ උපරිමෙන්ම කරගන්න ලැබේවා කියලා මම ප්‍රර්ථනා කරනවා.
    ජයම වේවා!
    henryblogwalker (මට භිතෙන හැටි) the Dude (HeyDude) and මගේ ඩෙනිම My Blue Jeans

    ReplyDelete
    Replies
    1. Red Riding HoodOctober 19, 2012 at 1:52 AM

      බොහොම ස්තූතියි සහෝ.. ජය වේවා..!!

      Delete
  22. DineshOctober 16, 2012 at 11:21 PM

    ලස්සන කවි ටික. විභාගෙට සුභ පැතුම් !!!

    ReplyDelete
    Replies
    1. Red Riding HoodOctober 19, 2012 at 1:41 AM

      බොහොම ස්තූතියි සහෝ.. :)

      Delete
  23. dulshan nawarathneOctober 17, 2012 at 3:32 PM

    ලස්සනයි..
    විභාගෙ හොදට ගොඩදාගන්න මගෙනුත් සුභ පැතුම්...!

    ReplyDelete
  24. රයිටර් October 18, 2012 at 8:15 PM

    කවිය ලස්සනයි රෙඩී... විභාගේ අභාගේ වෙන්න එපා කියලා ප්‍රර්ථනා කරනවා. හොඳට ලියන්ඩෝ

    ReplyDelete
    Replies
    1. Red Riding HoodOctober 19, 2012 at 1:51 AM

      බොහොම ස්තූතියි පැතුම්... :)

      Delete
  25. ධමිමික ස‍‍දරුවන්October 23, 2012 at 2:25 PM

    අර්ථය කොහොම වෙතත් පද ගැලපීමනම් මරු.

    ReplyDelete
    Replies
    1. Red Riding HoodNovember 18, 2012 at 9:40 AM

      බොහොම ස්තූතියි සහෝ.. :)

      Delete
  26. ManasindiviyataOctober 24, 2012 at 7:37 PM

    හැකියාට මගේ සුභ පැතුම්.
    http://manasindiviyata.blogspot.com/

    ReplyDelete
    Replies
    1. Red Riding HoodNovember 18, 2012 at 9:42 AM

      බොහෝම ස්තූතියි යාළු.. ඔයාගේ බ්ලොග් එක පැත්තෙත් එන්නම්කෝ මන්..
      ජය වේවා..

      Delete
  27. Blue LotusOctober 25, 2012 at 11:21 AM

    Wish u all the best for your exam.How come your poems so beautiful?

    ReplyDelete
  28. nvscreationsOctober 25, 2012 at 10:06 PM

    ඔන්න කාලෙකින් ආවෝ!!

    ඇත්තටම හිතට නිකන් ආපු සිතුවිල්ලක්ද මේක!!!

    නැ නෑ වෙන් බෑ

    ReplyDelete
    Replies
    1. Red Riding HoodNovember 18, 2012 at 9:45 AM

      හිහිහි... හිතට ඔහේ ගලාගෙන ආපු සිතුවිල්ලක් තමා අනේ..
      තැන්කූ වේවා.. ;)

      Delete
  29. nishiNovember 1, 2012 at 6:54 PM

    හරි ලස්සනට ලියලා තියෙනවා ..කිව්වත් වැගෙ නිකම්ම ලිව්වා වෙන්න බෑත් වගෙ,
    එහෙනම් විභාගය ගොඩ දාගන්න සුබ පැතුම් හොදෙ..
    (ආපු නැති ටිකට ගොඩක් තියනවා කියවන්න..වෙලාවක් හම්බුනාම කියවන්නම්)
    ජය!!!

    ReplyDelete
    Replies
    1. Red Riding HoodNovember 18, 2012 at 9:46 AM

      බොහෝම ස්තූතියි යාළු.. :) ආයේ වෙලාවක එන්නකෝ..

      Delete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his guidance
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම
Read more