මගේ පැතුම ඔබ වෙනුවෙන්..




ඔබේ අසලින්ම හිඳ
කනට කර මුමුණන්න
සිහිනයක් තිබුනා මට
කිසිදා සෑබැ නොවෙන..

 පුංචි පුංචි රැවුල් කොට
වැවුනු ඔබේ කම්මුල්
දෝතින්ම අල්ලා සිනිඳුවට
සිපගන්න නළලත...

 නිදිකිරා වැටෙන විට
දඟකාර කෙස් වටා
ඇඟිලි පටලවා ඉන්න
සෙමින් හිස පිරිමදින්න..

 හීන කන්දක් හිත පුරෝගෙන
හවස ඔබ එන සැටි දකින්න
සිහිනයක් තිබුනා මට
හදවතේ හැංගී කොනක

 සිහිනයන් සිහිනමයි
මතකයන් පමණකි ඉතිරි
සුභ පැතුම් හෙට දිනට
සදා සතුටින් ඉන්න..


 "කිසිදාක වේදනා
ඔබේ හදට නොදැනෙන්න
කඳුළු බිඳු කිසිදාක
නුඹේ නෙතට නොනැඟෙන්න
තබන හැම පියවරක
ජය හඬම පැතිරෙන්න
සදා සතුටින් ඉන්න
පතමි මම හැමදාක.."

 "There is no punishment or disgrace when you love someone unconditionally."

Comments

  1. dharaneeOctober 10, 2012 at 3:37 PM

    i prefer d tagline ;)

    ReplyDelete
  2. ...October 10, 2012 at 3:57 PM

    "සිහිනයන් සිහිනමයි
    මතකයන් පමණකි ඉතිරි
    සුභ පැතුම් හෙට දිනට
    සදා සතුටින් ඉන්න.."

    මොනවා වුණත්... ලස්සනයි අක්කී

    ReplyDelete
  3. සිතූ October 10, 2012 at 4:07 PM

    //කිසිදාක වේදනා
    ඔබේ හදට නොදැනෙන්න
    කඳුළු බිඳු කිසිදාක
    නුඹේ නෙතට නොනැඟෙන්න
    තබන හැම පියවරක
    ජය හඬම පැතිරෙන්න
    සදා සතුටින් ඉන්න
    පතමි මම ////

    ලස්සනයි. හිතට දැනුණු පද පෙළක්.

    ReplyDelete
    Replies
    1. Red Riding HoodOctober 10, 2012 at 7:01 PM

      බොහෝම ස්තුතියි යාළු.. :)

      Delete
  4. ShammiOctober 10, 2012 at 4:10 PM

    තබන හැම පියවරක
    ජය හඬම පැතිරෙන්න
    සදා සතුටින් ඉන්න
    පතමි මම හැමදාක..

    ලස්සනයි... හදවතේ තියන දේ පද ටිකකට ගොනු කරලා.. :) :) ඇත්තටම ලස්සනයි..

    ReplyDelete
    Replies
    1. Red Riding HoodOctober 10, 2012 at 7:06 PM

      බොහෝම ස්තූතියි ශම්මි.. :) මේක ලස්සන වෙන්නෙත් හදවත් ගොනු කල නිසා වෙන්න ඇති..

      Delete
  5. රොබින්October 10, 2012 at 4:10 PM

    කොහෙන්ද අප්පා මෙච්චර ලස්සන සිතුවිලි පහල වෙන්නේ ?

    ReplyDelete
    Replies
    1. Red Riding HoodOctober 10, 2012 at 7:06 PM

      හදවතින් තමා රොබින් අයියේ.. හිහිහි..

      Delete
  6. රයිටර් October 10, 2012 at 4:34 PM

    වාව්. ඒ කවිය මාර ලස්සනයි රෙඩී..පුදුම අහිංසක බලාපොරොත්තුවක්, ඇත්තමයි ආදරේ වෑහෙනවා. මට නම් ඉරිසියාත් හිතුනා බොරු නෙමෙයි.

    ReplyDelete
    Replies
    1. Red Riding HoodOctober 10, 2012 at 7:08 PM

      ඉරිසියා හිතුනේ මගේ ආදරේට පැතුම්? හිහි.. ඉරිසියා කරන්න දෙයක් නැනේ අනේ.. මේ ආදරේට අයිතිකාරයෙක් නැනේ.. තැන්කූ වේවා..

      Delete
  7. විළාපOctober 10, 2012 at 4:41 PM

    කොච්චර එපා කියල හිටියත්.. මෙවුව කියෙවුවහම හිත නිකං මොකක්ද වෙලා යනවා අප්පා...
    ජය වේවා!!!
    සිනා බෝ වේවා!!

    ReplyDelete
    Replies
    1. Red Riding HoodOctober 10, 2012 at 7:09 PM

      This comment has been removed by the author.

      Delete
    2. විළාපOctober 13, 2012 at 11:25 AM

      හලේ මන්ද... මං පණුච්චි ඔවුවට බයයි.. :)

      Delete
  8. AnuOctober 10, 2012 at 4:45 PM

    This comment has been removed by the author.

    ReplyDelete
    Replies
    1. Red Riding HoodOctober 10, 2012 at 7:11 PM

      බොහෝම ස්තූතියි යාළු.. සාදරයෙන් පිළිගන්නවා මගේ බ්ලොග් පිටුවට..

      Delete
  9. ධමිමික ස‍‍දරුවන්October 10, 2012 at 4:57 PM

    හොදයි හොදයි.ජය වේවා !

    ReplyDelete
    Replies
    1. Red Riding HoodOctober 10, 2012 at 7:14 PM

      හිහි.. ඔයා මේවට එච්චර කැමති නැ කියලා දන්නවා සහෝ.. වට් ටු ඩූ නපුරු කලට..
      ජය වේවා..

      Delete
    2. ධමිමික ස‍‍දරුවන්October 11, 2012 at 5:04 PM

      හ්ම්..

      Delete
  10. dulshan nawarathneOctober 10, 2012 at 5:39 PM

    ගොඩක් ලස්සන අදහසක්...

    ඔය සිතුම් දෙතොලඟින්
    මිමිනුවා නම් ඉතින්
    ඔ‍ය සුසුම් සුව විඳන්
    මම අදත් ඔබ ලගින්...

    ReplyDelete
    Replies
    1. Red Riding HoodOctober 10, 2012 at 7:15 PM

      හ්ම්ම්... ආදරේ හයියෙන් කියන්න එපා කියනවානේ.. ඒක හුළඟේ ගසාගෙන යනවලු.. ස්තුතියි යාළු.. :)

      Delete
  11. Dinelka KuruppuarachchiOctober 10, 2012 at 6:13 PM

    ඔයා නිසාහඩලා මගේ ඇසුත් රිදුනා හැරගියදා...... පාලුවේ උන්නේ

    ඔය ලියන්නේ අක්කේ ලෙසටම !!!! කියන්නම ඔනේ නේද !!!!! ඩී

    ReplyDelete
    Replies
    1. Red Riding HoodOctober 10, 2012 at 7:17 PM

      ඒකනේ.. ඔයා ලියන්න කිව්වට පස්සේ ලියන්න හිතුනා. ඒත් දැන් දිගටම මේක අඬන්න ගනීද කියලා බයයි අප්පා.එහෙම වුනොත් නම් ලියන එක නවත්තලා දානවා. කට්ටියට හැමදාම අඬන ඒවා කියවලාම එපා වෙයිනේ.

      Delete
  12. සචිත්October 10, 2012 at 7:30 PM

    නිදිකිරා වැටෙන විට
    දඟකාර කෙස් වටා
    ඇඟිලි පටලවා ඉන්න
    සෙමින් හිස පිරිමදින්න..
    මෙහෙම කරන්න මාත් අසයි ලස්සනයි ගොඩාක් අර්තයට ඉටත් වඩා මම කැමතියි... :D

    ReplyDelete
    Replies
    1. Red Riding HoodOctober 11, 2012 at 9:11 PM

      ස්තූතියි සහෝ.. :)
      ජය වේවා..

      Delete
  13. වීපොකුරෙ වීයාOctober 10, 2012 at 9:07 PM

    යුවතියකගේ සුන්දර සිහිනයක්..!

    ReplyDelete
    Replies
    1. Red Riding HoodOctober 11, 2012 at 9:12 PM

      හ්ම්ම්... තවත් එක සිහිනයක්...

      Delete
  14. Chathura LakmalOctober 10, 2012 at 9:09 PM

    lassanai red. viraha kawiyak wunata ekata godak kemathiy. A heenaya sebe wenna kiyala prarthna karanawa :)

    ReplyDelete
    Replies
    1. Red Riding HoodOctober 11, 2012 at 9:13 PM

      අපොයි එහෙම ප්‍රාර්ථනා කරන්න ඕනේ නැ අයියේ.. මේවා කවදාවත් හැබෑ නොවෙන නිසා පෙට්ටගම් වලට දාලා හිර කරපු සිහින.. :D

      Delete
  15. දයානන්ද රත්නායකOctober 10, 2012 at 10:29 PM

    "සිහිනයන් සිහිනමයි
    මතකයන් පමණකි ඉතිරි
    සුභ පැතුම් හෙට දිනට
    සදා සතුටින් ඉන්න"

    මේ කොටස් නොලියුවා නම් කවියේ ව්‍යංගාර්ථය හොදට මතුකරගන්න තිබුණා කියලා හිතෙනවා.

    ReplyDelete
    Replies
    1. Red Riding HoodOctober 11, 2012 at 9:15 PM

      බොහොම ස්තූතියි අයියේ.. මේ කවියේ අඩුපාඩු තැන් ගොඩාක් තියෙනවා.. :)අඩුපාඩු පෙන්නලා දෙන එක තමා ගොඩාක් වටින්නේ.

      Delete
  16. AnonymousOctober 11, 2012 at 9:32 AM

    ලස්සන කවි ටිකක්.කොහොමත් ඔබ ලියන කවි හරි අපුරුයි!!සරල භාෂාවෙන් ලස්සන ට ලියල තියනවා!! ජය!!

    ReplyDelete
    Replies
    1. Red Riding HoodOctober 11, 2012 at 9:16 PM

      බොහොම ස්තූතියි සහෝ.. හැමදාම ඒ කවි කියවන්න එන එක ගැන හිතට ගොඩාක් සතුටුයි..

      Delete
  17. UnknownOctober 11, 2012 at 9:59 AM

    අනේ මන්දා........

    ReplyDelete
    Replies
    1. Red Riding HoodOctober 11, 2012 at 9:19 PM

      හිහිහි..මේවා එපා වෙලාද?? හරි හරි..ඊළඟ පොස්ට් එක වැඩක් ඇති දෙයක් දාන්නම්කෝ..

      Delete
  18. AnonymousOctober 11, 2012 at 1:46 PM

    ////...සිහිනයන් සිහිනමයි
    මතකයන් පමණකි ඉතිරි
    සුභ පැතුම් හෙට දිනට
    සදා සතුටින් ඉන්න..////

    ලස්සනයි අක්කෙ.......
    ඒත් හීන හැමදාමත් හීනම නොවෙන්නත් පුලුවන්....
    අපි නොහිතන වෙලාවක ඒ හීන හැබෑ වෙන්නත් පුලුවන්.....
    කොහොම උනත්....
    ලියන එක නවත්තන්න එපා....ජය!!!

    ReplyDelete
  19. ජිංජි බිරිස්October 11, 2012 at 4:08 PM

    විරහව කියන්නෙ මාරම දෙයක් වැඩෙ කියන්නෙ විරහව සතුටෙන් ඉන්න වෙලවටත් කවි කරන්න පුලුවන් කම

    ReplyDelete
    Replies
    1. Red Riding HoodOctober 11, 2012 at 9:24 PM

      ඇත්ත.. මම ඉතින් ඔහේ නිකන් ඉන්න ගමනුත් විරහ කවි ලියනවා..ඒකේ අමුතු රසක් තියෙනවා තමා.. ඒත් මේක නම් එහෙම එකක් නෙවෙයි.. ජය වේවා..

      Delete
  20. SAMEERA RUKSHANOctober 11, 2012 at 4:10 PM

    කියන්න හිතුව දේ බිඳුවක් නෑරම කියලා තියෙනවා... අපුරුයි...

    ReplyDelete
    Replies
    1. Red Riding HoodOctober 11, 2012 at 9:26 PM

      ම්ම්ම්.. නැ තව කියන්න දෙවල් දාහක් තියෙනවා අළුත් මල්ලි.. ඒත් කියාගන්න බැ.. :)
      ස්තූතියි කමෙන්ටුවට..ජය වේවා..

      Delete
  21. ලහිරුOctober 11, 2012 at 4:15 PM

    /*පුංචි පුංචි රැවුල් කොට
    වැවුනු ඔබේ කම්මුල්
    දෝතින්ම අල්ලා සිනිඳුවට
    සිපගන්න නළලත...

    නිදිකිරා වැටෙන විට
    දඟකාර කෙස් වටා
    ඇඟිලි පටලවා ඉන්න
    සෙමින් හිස පිරිමදින්න..*/
    …
    …මටත් මතක් වුණා, හරීම ආදරණීයයි නංගී!

    ReplyDelete
    Replies
    1. Red Riding HoodOctober 11, 2012 at 9:31 PM

      ම්ම්... ඔයාට කාවද මතක් වුනේ.. :) සොඳුරු අතීතයක් නම් සතුටුයි..
      ජය වේවා..

      Delete
  22. MR. KINGOctober 11, 2012 at 5:34 PM

    අහ අහ අහා.......... ;)

    සුභ වේවා!!! රාජ සම්පත් ලැබේවා!!!

    ReplyDelete
    Replies
    1. Red Riding HoodOctober 11, 2012 at 9:34 PM

      මොකෝ කැස්සද ආ? හික්ස්..
      ජය වේවා රජෝ..

      Delete
  23. මධූOctober 11, 2012 at 8:42 PM

    ම්ම් අව්‍යාජව ලියල තියෙනව. ඇත්තටම ලස්සනයි. ජය වේවා යාලු.

    ReplyDelete
    Replies
    1. Red Riding HoodOctober 11, 2012 at 9:36 PM

      බොහෝම ස්තූතියි මධූ.. ගොඩ දවසකින් ඔයාගේ බ්ලොග් එක බලන්න එන්නත් බැරි වුනා.. දැන්ම යන්න ඕනේ.. ජය වේවා..

      Delete
  24. DudeOctober 11, 2012 at 9:18 PM

    කෙනෙක් අත් නොවිඳිය යුතු අත් දැකීමක් වුනා අකුරු කරලා තියෙන විදිය නම් උපරිමයි රෙඩ්!
    henryblogwalker (මට භිතෙන හැටි) the Dude (HeyDude) and මගේ ඩෙනිම My Blue Jeans

    ReplyDelete
    Replies
    1. Red Riding HoodOctober 11, 2012 at 9:41 PM

      ස්තූතියි ඩූඩ්... :) අත්දැකීමට මාත් අකැමැති වුනාට කවියට කැමතියි.. :D

      Delete
  25. කළුවර හීනයOctober 12, 2012 at 10:14 AM

    හරිම ලස්සනයි රෙඩ් කියන්න වචන නැහැ එතරම් හදවතට දැනුනා...
    ජය වේවා

    ReplyDelete
    Replies
    1. Red Riding HoodOctober 12, 2012 at 7:36 PM

      බොහොම ස්තූතියි.. :)
      ජය!!!

      Delete
  26. nishiOctober 12, 2012 at 1:10 PM

    දුකක් හැංගිලා තියෙනවා තමයි ඒත් කවියෙන් කියෙවෙන ඔයාගෙ හිත හරි අපූරුයි !!!

    ReplyDelete
    Replies
    1. Red Riding HoodOctober 12, 2012 at 7:39 PM

      බොහොම ස්තූතියි යාළු.. :)
      ජය වේවා..

      Delete
  27. AnonymousOctober 13, 2012 at 2:00 PM

    කොහොම උනත් ලස්සනයි!

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his gu...
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්...
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම...
Read more