~දොරකඩ ලඟ~




මන්දාරාම් වැහි වැටෙනා
සීත සැන්දෑවක තනියම
දොරකඩ ලඟ මං උන්නා
පාර හොයන් ඒවී සිතා..

 කීරී ගැහෙන හිත අද්දර
හඬා වැටෙන පැතුම් පොඳිය
ගුලි කරගෙන බලා උන්නා
ඔබ ආයෙත් ඒවී සිතා..
අමාවකේ අහස් කුසේ
සඳේ එළිය කවුද සෙව්වේ
පාලු වෙච්ච සොහොන් පිටියේ
සිහින මැඳුරු කවුද තැනුවේ..
අමාවකේ අහස වගේ
ඔබ බැස ගිය මගේ දිවිය
සොහොන් පිටියේ සිහින වගේ
හිතේ රැඳුනු හීන පොඳිය..


 හිත අරගෙන ඔබ ගිහිල්ලා
දැන් බෝ කල් ගෙවී ගොසින්
මකුළු දැලින් සැඟවී ගිය
දොරකඩ ලඟ මං තාමත්..

"වින්දනීය ආදරය වේදනාවක් නොවන්නට.."

Comments

  1. සිත් අහසOctober 9, 2012 at 8:20 PM

    කීරී ගැහෙන හිත අද්දර
    හඬා වැටෙන පැතුම් පොඳිය
    ගුලි කරගෙන බලා උන්නා
    ඔබ ආයෙත් ඒවී සිතා.

    හරිම ලස්සනයි නංගියෝ...

    ReplyDelete
    Replies
    1. Red Riding HoodOctober 10, 2012 at 11:02 AM

      ඔයා කාලෙකට පස්සේ ඇවිල්ලා.. හිහි.. තැන්කූ අක්කා..

      Delete
  2. Dinelka KuruppuarachchiOctober 9, 2012 at 8:37 PM

    ඉරි තැළුනු කතර බිම.....
    සනසවයි වලාගැබ
    දුක පිරුන මගෙ නෙතට........
    සිහිලසයි සොදුරැ නුඹ
    සනහලා ජීවිතය ....
    හිනහීල මා සමග
    හද කවුළු ඇරදාලා .....
    දුරක ගියේ කිමද නුඹ

    ReplyDelete
    Replies
    1. Red Riding HoodOctober 10, 2012 at 11:08 AM

      ඔන්න ඔයාගේ ඉල්ලීම පරිදි කවියක් ලිව්වා.. පිළිතුරු කවිය ලස්සනයි සහෝ..

      Delete
  3. මඩයාOctober 9, 2012 at 10:31 PM

    පට්ට කවි පන්තිය රෙඩ්

    //හිත අරගෙන ඔබ ගිහිල්ලා
    දැන් බෝ කල් ගෙවී ගොසින්
    මකුළු දැලින් සැඟවී ගිය
    දොරකඩ ලඟ මං තාමත්..//
    මේක මට හිතට වැදුනා ගොඩාක්.
    මොකෝ මේ බ්ලොග් එක පාලුවට ඇරලා?

    ReplyDelete
    Replies
    1. Red Riding HoodOctober 10, 2012 at 11:09 AM

      බ්ලොග් එක පාළුවට ඇරලා නෙවෙයි අනේ.. නොදැනීම පාළුවට ගිහිල්ලා.. බොහොම ස්තූතියි සහෝ..

      Delete
  4. AnonymousOctober 9, 2012 at 11:11 PM

    මොකදෑ මේ කෙල්ලෝ විරහව ගැනම ලියන්නේ.:) ලස්සනයි ලස්සනයි!!
    //මකුළු දැලින් සැඟවී ගිය
    දොරකඩ ලඟ මං තාමත්..//
    මේ ටික මරු!
    //කවුද සෙව්වේ// මේ වචන දෙක මාරු උනා නම් හොඳ නැද්ද..//කවුද තැනුවේ..//මේකත් ඒ වගේ..?
    මං මෙහෙම කිව්වට කවි ගැන නම් මෙලෝ හසරක් දන්නේ නෑ. ඒත් මට එහෙම හිතුනා.:)
    මොකෝ බ්ලොග් එක දැන් ලියනවා අඩු..??

    ReplyDelete
    Replies
    1. Red Riding HoodOctober 10, 2012 at 11:11 AM

      විරහම ගැනම විතරක් නෙවෙයි ඉතින්.. හිතට මේ දවස් වල වද දෙන දේවල් ගැන තමා ලියවුනේ.. බ්ලොග් එක ලියන්න කම්මැලි අනේ..

      Delete
  5. ධමිමික ස‍‍දරුවන්October 10, 2012 at 8:08 AM

    අනේ මන්දා...

    ලව් පලහිලව්.මොකක්ද අප්පා ...

    ReplyDelete
    Replies
    1. Red Riding HoodOctober 10, 2012 at 11:12 AM

      හිහිහි..ඒවත් ජීවිත වල තියෙනවා නේ නේද සහෝ.

      Delete
  6. ශයංගගේ ප්‍රාන්තයOctober 10, 2012 at 8:43 AM

    ආදරේ විරහව කවිපද ඉබේටම මවනවා ...ලස්සනයි නංගි

    ReplyDelete
    Replies
    1. Red Riding HoodOctober 10, 2012 at 11:13 AM

      හ්ම්ම්..ඒකත් ඇත්ත.. :) තැන්කු අයියා..

      Delete
  7. නාඩියා නාඩිරත්නOctober 10, 2012 at 8:53 AM

    මෙන්න කාලයක් අතුරුදහන් වෙලා ඉඳල විරහ කවි ලියනවෝ!!! මොනවා උනත් ලස්සන වචන සෙට් එක ඈ! එල!

    ReplyDelete
    Replies
    1. Red Riding HoodOctober 10, 2012 at 11:14 AM

      තැන්කූ වේවා.. හිහිහි..ටික කලක් අතුරුදහන් වුනා.. ආයේ එහෙම වෙයිද දන්නේ නැ. බ්ලොග් ලිවිල්ල එපා වෙලා..

      Delete
  8. සිතූ October 10, 2012 at 8:54 AM

    ලස්සන කවි ටිකක්.

    ReplyDelete
    Replies
    1. Red Riding HoodOctober 10, 2012 at 11:15 AM

      බොහෝම ස්තූතියි.. ජය වේවා..

      Delete
  9. සිහින මදාරාOctober 10, 2012 at 9:06 AM

    ලස්සනයි රෙඩි කවි ටික. :)

    ReplyDelete
  10. මධූOctober 10, 2012 at 9:13 AM

    රෙඩ්ගෙ කවි කවදත් ලස්සනයිනේ. මේකත් හරිම රසවත්. ජය වේවා යාලු.

    ReplyDelete
    Replies
    1. Red Riding HoodOctober 10, 2012 at 11:16 AM

      බොහෝම ස්තූතියි යාළු.. ජය වේවා..

      Delete
  11. dharaneeOctober 10, 2012 at 10:00 AM

    මකුළු දැලින් සැඟවී ගිය
    දොරකඩ ලඟ මං තාමත්..



    i <3 this part sweet as always :)

    ReplyDelete
  12. ලහිරුOctober 10, 2012 at 10:17 AM

    දුකත් එක්තරා රසයක් ලු කියනවා වගේ ම විරහව ත් එක්තරා සැපයක් කියලා මට හිතෙනවා! ඇත්තද මන්දා... ලස්සන පද පෙළක්!

    ReplyDelete
    Replies
    1. Red Riding HoodOctober 10, 2012 at 11:19 AM

      විරහව ඇතුලේ සැපක් නම් මට තාම දැනිලා නැ සහෝ.. ඒත් හැබැයි විරහව ඇතුලේ නිර්මාණ නම් හැංඟිලා තියෙනවා.. ස්තූතියි.. ජය වේවා.. :)

      Delete
  13. ඉෂාන්October 10, 2012 at 11:20 AM

    එළ..!

    ReplyDelete
  14. AnonymousOctober 10, 2012 at 12:52 PM

    අපූරුයි රෙඩ් ! :)

    ReplyDelete
    Replies
    1. Red Riding HoodOctober 10, 2012 at 7:19 PM

      ස්තූතියි හිරු.. :)
      ජය වේවා..

      Delete
  15. සිරාගෙ කාමරේOctober 10, 2012 at 1:05 PM

    හයියූ.. ආදරේද... රිදිලා රිදිලා දැන් නම් තවත් රිදෙන්නෙ නෑ... ඒක සාමාන්‍ය දෙයක් වෙලා...

    ReplyDelete
    Replies
    1. Red Riding HoodOctober 10, 2012 at 7:22 PM

      එහෙම වෙනවද?? එහෙනම් හොඳයි.. මටත් ටික දවසකින් පුරුදු වුනාම හරි යයි..
      ජය වේවා..

      Delete
  16. ...October 10, 2012 at 3:17 PM

    ලස්සනයි අක්කී

    ReplyDelete
  17. Chathura LakmalOctober 10, 2012 at 9:37 PM

    niyamai red. oyage wiraha kawi num wirahawa athwidala tiyena ayata num niyemeta denanawa ethi. PS. mata num mewa den tune wenawa poddak madi. red lamaya dannawa ne, ape ithin oya kale penala ne. hoh hoh :D

    ReplyDelete
    Replies
    1. Red Riding HoodOctober 15, 2012 at 2:14 PM

      හික්ස්.. අනේ මෙහෙම අත්දැකීම් ලැබෙන්නෙත් එපා.. :) ලඟදිම ආදරය ලැබේවා කියලා ප්‍රාර්ථනා කරන්නම්.. ජය!!

      Delete
  18. SAMEERA RUKSHANOctober 11, 2012 at 5:54 PM

    ආදරේ අපිට එපා
    අපූරු කවි පේළියක්... ලස්සණයි... අපිට උරුම ඔච්චරයි...

    ReplyDelete
    Replies
    1. Red Riding HoodOctober 15, 2012 at 2:15 PM

      ආදරේ එක්ක තරහද?? මාත් තරහයි අනේ.. :)
      ජය වේවා...

      Delete
  19. nvscreationsOctober 26, 2012 at 6:15 PM

    දොරකඩ ළග ඔයා දිරාපත් වෙලා ද? අක්කා...........

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his gu...
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්...
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම...
Read more