~සොෆීගේ ලෝකය~ "Sophie's World"

මෙන්න මේක තමා පොත

දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා.


සොෆී ආමන්ඩ්සන් 14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා.. 
"ඔබ කවුද?"[who are you?] 
"ලෝකය ආවේ කොහෙන්ද?"[where does the world come from?]


මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා.


මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්ටයින් ගෝඩර් මේ පොතේ දාර්ශනියකයන්ව හඳුන්වලා දෙන්නේ.



මේ පොතේ පිටපත් මිලියන ගණනක් ලොව පුරා අලෙවි වෙලා තියෙනවා. මේක නවකතාවක් විදිහට විතරක් ම නෙවෙයි දර්ශනය පිළිබඳව හදාරන අයගේ පාඨ ග්‍රන්ථයක් විදිහටත් මේ පොත නිර්දේශ වෙලා තියෙනවා.


"සොෆීගේ ලෝකය" පොත අපි ගොඩ දෙනෙක් කියවලා පුරුදු ශෛලීයේ කතාවක් රැගත් පොතක් නෙවෙයි.සත්තකින් ම එක හුස්මට කියවලා ඉවර කරන්න පුළුවන් පොතක් නෙවෙයි. [මමත් තාම කියවනවා] ඊට හේතු කිහිපයක්ම තියෙනවා.



එකක් තමා මේ කතාව හැමකෙනෙක්ටම එතරම් පුරුදු නැති මාතෘකාවක් යටතේ, එනම් දර්ශනවාදය යටතේ ගලාගෙන යාම. අනිත් කාරණාව වසර 3000ක් පැරණි අතීතය යලිත් ලියැවෙන විට එහි අඩංගු බටහිර නම්, ඒ ඉගැන්වීම් අපට නුහුරු වීම.අනිත් කාරණාව නම් එක ජේදයක් අවසානයේ හිතන්න දාහක් දේ මනසට ලැබීම. එමෙන් ම විටෙක නියම අදහස ලබාගන්නට එකම ජේදය දෙවරක් කියවන්නට වීම.


නමුත් ඒ සියල්ල පසෙකට දැමූ විට පොත කියවීම වටීය. අප ජීවිතය ගැන නොහිතන නොදකින පැතිකඩයන් විවර කරදීමට මේ පොත සමත්ය.


ඔබ සමහර විට දර්ශනවාදය එතරම් ප්‍රිය නොකරන අයෙක් විය හැකිය. නමුත් මේ පොත කිය වූ පසු ඔබේ ඒ අදහස වෙනස් වීමට ඉඩ ඇත.කුතුහලය ඔබ වෙලා ගන්නා සේ එමෙන් ම ඉතා ම සරල ආකාරයෙන් බටහිර දර්ශනය ඔබ ඉදිරියේ සිනමා පටයක් සේ දිග ඇරීමට ලේඛකයා සමත්ය.



පෝස්ටුව අවසන් කීරිමට ලේඛකයා ගැන සඳහන් කිරීමට කැමැත්තේමි.යුස්ටයින් ගෝඩර් [Jostein Gaarder] පූර්ණ කාලීන ලේඛන කටයුතු වල යෙදෙන සාහිත්‍යධරයෙකි.ඔස්ලෝ විශ්ව විද්‍යාලයේ උපාධිධරයෙකු වන ඔහු කලක් දර්ශනවාදය ගුරුවරයෙකුව කටයුතු කර ඇත.
මේ පොත රාණි සේනාරත්න රාජපක්ෂ විසින් සිංහලට පරිවර්තනය කර තිබේ.



"ලියුම් පෙට්ටියෙ තිබුණෙ එකම ලියුමයි- ඒක සොෆීට.සුදු පාට ලියුම් කවරේ ලියලා තිබුණා - "සොෆී ආමන්ඩ්සන්, අංක 3, ක්ලෝවර් ක්ලෝස්." ඔච්චරයි. ඒක කාගෙන්ද කියලා නැ. මුද්දරේකුත් නෑ..
සොෆී ඇතුළට ඇවිත් ගේට්ටුව වහපු ගමන් ම ලියුම් කවරය ඇරියා.ඒකේ තිබුණේ ලියුම් කවරයට වැඩිය ලොකු නැති කඩදාසි කෑල්ලක් විතරයි.ඒකේ තිබුණේ:
"ඔබ කවුද?"
වෙන මුකුත් ම නෑ..ඒ වචන දෙක විතරයි,අතින් ලියලා අග්ගිස්සට විශාල ප්‍රශ්නාර්ථ ලකුණක් දාලා.
ඇය ආයෙමත් ලියුම් කවරය දිහා බැලුවා.ලියුම නං සැකයක් නැතුවම ඇයටම තමා.ඒක තැපැල් පෙට්ටියට දාන්න ඇත්තේ කවුද?"

~Sophie's World by Jostein Gaarder~
[සොෆීගේ ලෝකය පරිවර්තනය රාණි සේනාරත්න රාජපක්ෂ]


පසුසටහන: මේ පොත මට උපන් දින තෑග්ගක් විදිහට ලැබුනේ.. ඒ තැග්ග දුන්නේ මගේ හොඳ යාළුවා.. තරුෂි.. තැන්කූ තරු මෙච්චර ලස්සන පොතක් මට දුන්නට..

Comments

  1. කියවන්න වටිනවා වගේ රෙඩියෝ.... මමත් කියවන්න ඔනි... :)

    ReplyDelete
    Replies
    1. කියවලා බලන්න මදාරා.. :) හුඟ දවසකින් දැක්කේ මේ පැත්තේ..

      Delete
  2. මන් මේක අරගෙන දැන් ගොඩක් කල්
    දෙපාරක් කියවන්න පටන් ගත්තා ඒත් මග නතර උනා

    ReplyDelete
    Replies
    1. ඇත්ත.. මේක එක හුස්මට කියවන්න බැ.. ඒත් ආයේ වෙලාව තියෙන වෙලාවක කියවන්න ගන්න.. ඊට පස්සේ ටික ටික කියවන්න යාළු..

      Delete
  3. ඔයා නම් මාර පොත් ගොඩක් නේ කියවන්නේ...

    ReplyDelete
    Replies
    1. පොත් කියවන්න මං ඇබ්බැහි වෙලා ඉන්නේ මධුරංග අයියේ.. හික්ස්.. අපේ අම්මා නම් සමහර වෙලාවට බනිනවා.. ඔයාත් වෙලාවක මේ පොත හම්බු වුනොත් කියවන්න.. :D

      Delete
  4. පොත රුපියල් හත්සිය පනහයි ගිය සතියේ පොත බැලුවා මේ දවස් වල සල්ලි එකතු කරනවා.තව සති දෙකකින් පොත ගන්නවා ගන්න බලන් ඉන්න පොත ගෑන හොද දෙයක් කියවන්න ලැබුනේ..

    අදයි මේ පැත්තේ ආවේ ෆ්ලෝ පාරක් දාන්න වගේ හිත ට්‍රියි කරන්නේ..
    දිගටම ලියන්න සුභ පැතුම්..

    ReplyDelete
    Replies
    1. පොත පත හුව මාරුවක් දාන්න ගම් පලාත එහෙම කොහේද දන්නේ නෑ..

      Delete
    2. ම්ම්ම්..ඔයා එහෙනම් විදර්ශන එකෙන්ම වෙන්නැති පොත බලන්න ඇත්තේ.. මගේ එක 800ක් නේ.. සරසවි එකෙන් ගත්ත නිසා.. හිහ්.. :) මම ඉන්නේ ගම්පහ දිස්ත්‍රික්කේ මල්ලි.. :) පොත් හුවමාරු වලට නම් මමත් කැමති..දිගටම මේ පැත්තේ එන්න..

      Delete
  5. කියවන්න හිතං ඉන්න ලිස්ට් එකේ තියෙන පොතක්..
    තාම වෙලාවක් සෙට් වුන්නෑ පොත ගන්න..

    ReplyDelete
    Replies
    1. පොත ගන්නම ඕනේ නැ ඉතින්.. ඔය ලයිබ්‍රරි එකක එහෙම හොයලා බලන්න.. මේ පොත හොයාගන්න පුළුවන් වෙයි.. නැත්නම් දැන් සැප්තැම්බර් පොත් ප්‍රදර්ශනයේ තියෙයි අඩුවට.. :)

      Delete
  6. අද තමා ඔන්න මේ පැත්තේ ආවේ :)
    මේ පාර බුක් ෆෙයාර් එකෙන් ගන්න හිතන් ඉන්න පොතක්.පොත් කියවන්න ඇබ්බැහි වෙලා හිටියත් දර්ශනය ගැන පොත් නම් මම කියවලා නෑ.ඒත් ගොඩක් අය කියනවා මේක ලස්සනයි කියල.ඒ නිසා කියවන්න ඕනි.

    ReplyDelete
    Replies
    1. සාදරයෙන් පිළිගන්නවා යාළු..මම කියවපු දර්ශනය ගැන ලියවිච්ච පළවෙනි පොත තමා මේ.. අඩුම ගානේ ඉස්කෝලෙදී ලොජික් වත් කලේ නැ..දිගටම මෙහෙ එන්න එහෙනම්.. :)

      Delete
  7. මෙයා පොත් කියවන්න ගත්තා මදිවට අපිවත් පිස්සො කරනවා.. හයියූ.. කියවලම බලන්න ඕනි මේක නන්..

    ReplyDelete
    Replies
    1. බොලාව ඉතින් ආයේ අමුතුවෙන් පිස්සෙක් කරන්න ඕනැයැ.. හික්ස්.. කියවන්න කියවන්න.. ජය වේවා.. :D

      Delete
  8. පරිවර්තන කෘතීන් අතරින් වැඩිම පොත් කියෙව්වේ රුසියානු සාහිත්‍යය සහ ඉන්දියානු පරිවර්තන ඒත් බටහිර පොත්පත් කියෙව්වේ සීමිතව. ඒ නිසා මේවැනි කෘති මගහැරීම අරුමයක් නෙවේ.

    කොහොමටත් නිදහස් වෙලාවක ජනකගෙ විදර්ශන පොත් මැදුරට ගොඩවෙන්න ඕනෙ. මෑතකාලයේ ජනක තමයි හොදම බටහිර කෘති ප්‍රකාශයට පත් කළේ.

    ReplyDelete
    Replies
    1. මමත් ගොඩාක් කැමතියි රුසියානු පොත් වලට..ඒ වගේම බෙංගලි නවකතා වලට.. ඒත් බටහිර සාහිත්‍යය ඇතුලේත් තියෙනවා ගොඩාක් ලස්සන පොත්.. කියවලා බලන්න.. බොහෝම ස්තූතියි මේ පැත්තේ ආවට..

      Delete
  9. ගොඩක් දවසකින් මේ පැත්තේ ආවේ.. හොද පොතක් වගේ.. කියවන්න ඕන..

    (අරයා ගන්නවා කියලා උඩ කියලා තියෙන්නේ.. ඒකම මම පස්සේ අරන් කියවන්නම්.. :) )

    ReplyDelete
    Replies
    1. හික්ස්.. ඔව් ඔව්.. දැන් ඉතින් එක පොතෙන්ම කියවන්න දෙන්නාම.. ;)
      ජය වේවා..

      Delete
  10. මේ පොත ගැන අහපු දෙවැනි වර්ණනාව.. දැන් ඔක අරන් කියනවකල් මට සිහියක් නෑ... ස්තූතියි රෙඩ් මේ ගැන අපිට කිව්වාට :D

    ReplyDelete
    Replies
    1. හිහි.. හොඳයි හොඳයි... ජය වේවා.. ස්තූතියි මෙහෙ ආවට..

      Delete
  11. ලස්සන පොතක් වුණාට කියවගෙන යන්න එපා වෙන එකනේ තියෙන ප්‍රශ්නේ... :( තුන් හතර පාරක් ට්‍රයි කරත් හරි ගියේ නෑ :( :(

    ReplyDelete
    Replies
    1. ම්ම්ම්...ආයේ නිවාඩු පාඩුවේ ඉන්න වෙලාවක ට්‍රයි කරන්නකෝ නංගි.. එකපාරට කියවගෙන යන්න හදන්නේ නැතුව.. සොෆී එක්ක හෙමිට හෙමිට කියවගෙන යන්න... සොෆී එක්ක කතා කරන්න.. කියවපු දේ තේරුනාද කියලා අහන්න.. එතකොට කියවන්න පුළුවන් වෙයි.. :)

      Delete
    2. ස්තූතියි අක්කී!

      Delete
  12. බුක් ෆෙයා ලිස්ටුවට දාගතිමි ;)

    ReplyDelete
    Replies
    1. හොඳයි හොඳයි.. කිඳුරු ලෝකයටත් පොත ගෙනි යන්න සඳ කිඳුරෝ.. කිඳුරියෝ ටික වටවෙයි පොත කියවන්න.. ජය වේවා.. :D

      Delete
  13. ඔන්න මමත් ආවා මේ පැත්තට..

    ReplyDelete
    Replies
    1. තැන්කූ තැන්කූ.. දිගටම එන්න ඕනෑ හරිය... :D
      ජය වේවා!

      Delete
  14. Normally I read only English books these days and there are two reasons for it. One is I can download fre e-books from the Net and the other is (don't be angry with me for saying so)you don't feel like reading sinhala books as there are many many interesting books;crime,fiction, si fi, fantacy, biographies,adventures on the net, you don't have to spend money to enjoy a good book. but I have noticed many have entered into the field of translations and I am happy to say the book shops are flooding with them though I find few translaters like Dedigama v. Rodrigo and P or v.Gunarathne.So I have kept a mental note to find the book later.By the way your blog is beautiful and I too do change my blog theme form time to time to refresh myself.

    ReplyDelete
    Replies
    1. thank you very much for visiting my blog mam.. I read normally read books in both languages.. i agree with both reasons you gave for not reading sinhala translations. I also prefer the original book. specially for Paulo Coelho's books and for all the classic novels. but there are some translators who can give the same pleasure of reading the original from a translation.. Chintha Lakshmi Sinhaarachchi, Ganga Suduwelikanda, Manel Karunarathna, Chandana Mendis, Anula de Silva, Sumithra Rahubadda are few from those. thank you again.. cheers.. :)

      Delete
  15. වචනයේ පරිසමාප්ත අර්ථයෙන්ම , ඉතා විශිෂ්ට කෘතියක් .

    ReplyDelete
  16. ඇත්තටම මෙය එක්තරා කතාවකි . එමෙන්ම නිර්මාණයකි . එහෙත් සෑම පරිච්ඡේදයක් පුරාම එක හා සමානව විහිදෙන , අදහාගත නොහැකි , එක් මිනිස් මනසක් , අදහස් , දැනුම් පද්ධතියක් තුල , මෙතරම් පුළුල් පරාසයක විහිදී පැතිරී යන , දැනුමක් , අවබෝධයක් , චින්තන ශක්‍යතාවයක් මේ කෘතියේ කතුවරයා ට දැයි කියා සිතන මම , පොතෙහි සාහිත්‍යමය ගුණය මදකට පසෙකින් තබා සාපේක්ෂව වඩාත් පුදුම වෙමි . " යුස්ටයින් ගෝඩර් " මහතා , තමා ම වරක , " ඇට්ලස් යෝධයෙකු " වී තම අර මත තබා සිටින ලෝකයම දෑතට ගෙන එහි , අතීත කාලයක් සිට වර්සාතමානය දක්වා මුළු මහත් සමාජයක් වෙලා පැතිර පවත්නා සමාජයීය පද්ධතීන් සමූහයක එකතුවක් සාරය පෙරා , " සොෆීගේ ලෝකය " නම් කෘති බඳුනට දමා අප ඉඳිරියේ තබා ඇති ආකාරය , ඉතා අනගිභවනීය ය .

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

මා නම් සඳකි පොළවට බට..