නුඹේ සිනා ලඟ පැරදුනු තව දිනක්..


ආයාසයෙන් හදා ගත් සිත
එක් සැණින් සසල කරනට
හැකි වුයේ කෙලෙසක
නුඹේ ඔය රුවට......


සිනා නොවුනත් ඔබ
නොබැලුවත් මා දෙස
යළි යළිත් මගේ සිත
නුඹ ලඟ ම නැවතිලා...


සති ගණන් වැර දරා
නුඹෙන් මුදවනා සිත
කාන්දමකට හසු වූ
යකඩයකි නුඹ අසල.....


වරින් වරන් මගේ සිත
පැහරගෙන යන්නේ කිම
එපා නම් නුඹට සිත
දෙන්න එය යළි මටම...


තරහා නැ මම තවම
ආදරෙයි එක සිතින්
රිදවන්න ඇති තරම්
භාර ගමි සෙනෙහසින්....


නුඹ නොදෙන හින්දා
සිනා කැන් මා මුවට
කඳුළු වුව කම් නැත
නුඹ නමින් සල්ලනෙමි....


දහක් දුක් සඟවා
හදේ නොපෙනෙන තැනක
සිනා වෙමි ලොවට මම
නුඹට දොස් වේ සිතා..


සිත හඬයි රෑ දිවා
නමුදු පළයක් නැති
දනිමි මම මෝඩියෙකි
නුඹට සිත දන් දුනි... 



 නුඹේ සිනා ලඟ
පැරදුනු තව දිනක්
සනිටුහන් කරමි මම
නොනවතින කඳුළින්..

Comments

  1. geethNovember 12, 2011 at 10:33 PM

    රතු පාටට ඔලුව කැරකෙනවා....

    ReplyDelete
  2. Red Riding HoodNovember 12, 2011 at 10:39 PM

    හ්ම්ම්..
    ජීවිතේම කැරකෙන කොට ඔලුව විතරක් බේරෙන්නෙ නැනේ

    ReplyDelete
  3. AnonymousNovember 12, 2011 at 10:42 PM

    මොනවා කියන්න ද කියලා හිතා ගන්න බෑ. මාව මොහොතක ට ගල් වුණා වගේ....

    මේ දෝංකාර දෙන්නේ මගේ හදවතදෝ කියලා හිතුණා මට....

    ලස්සන කවි ටික Red..... (y)

    ReplyDelete
  4. Red Riding HoodNovember 12, 2011 at 10:50 PM

    ආදරේ කරන..
    කරන ආදරේ විඳවන ගොඩ දෙනෙක්ගේ හදවතේ දෝංකාරය මීට සමාන ඇති මහි...

    ReplyDelete
  5. සිත් අහසNovember 12, 2011 at 10:55 PM

    හ්ම්ම්.. අනේ මන්දා.. ජීවිතේම සොඳුරු වේදනාවක්ලු, ඒත් මේ තරමටම,.. :(

    ReplyDelete
  6. MaRLaNNovember 13, 2011 at 6:43 AM

    ආදරේ තියෙන්නේ විදින්න විදවන්න නෙවෙයි..

    ReplyDelete
  7. සංකල්පNovember 13, 2011 at 7:47 AM

    මොනවද කියන්නේ මං...... හ්ම්ම්ම්
    හරි මෙහෙම කියමු.එයාට හිත එපාම නම් තමන්ට දීලා යන එක තමයි හොද. ඒක මාත් අනුමත කරනවා.

    ReplyDelete
  8. DineshNovember 14, 2011 at 6:31 PM

    නුඹ නොමැතිව කඳුළු දැරු නෙත
    වියළි යන්නට හදනකොට ආයෙම
    සුළගක් වගේ නූඹ ආවත් මා සොයා ගෙන
    ලං වනු බෑ අපට සැලි ගිය කඳුළු හින්දම..

    ReplyDelete
  9. Red Riding HoodNovember 19, 2011 at 9:16 PM

    Marlon- ම්ම්ම්.. සමහර විට ආදරේ විඳවන්නත් වෙනවා.. ඒක නිකන් කුම්බලා කටු කෑවානම් විඳවපන් බළලෝ කිව්වා වගේ තමා..

    Madhuranga aiya- එයා මගේ හිත සොරකම් කලෙ මට කියන්නේ නැතුව. දැන් එයා එක ගත්තේ නැ කිව්වට ආයේ හිත හම්බුවෙනවයැ මට..

    ReplyDelete
  10. Red Riding HoodNovember 19, 2011 at 9:31 PM

    Dinesh aiya-

    නෙතින් කඳුළැල්
    ගිලිහෙනවා නම්
    ඉඩ දෙන්න මට
    පිසලන්න කඳුළැල්

    ReplyDelete
  11. Red Riding HoodNovember 20, 2011 at 1:29 AM

    Prarthana akki.. adare mokakda kiyanna matha danne ne.. akkiyo.. eka wendanawakda.. nethnam lassana heenayakda kiyala mata hitha ganna be..

    ReplyDelete

Post a Comment

Comment Hint

ඔබට comment සදහා Image, color text සහ marquee text ඇතුලත් කල හැක



Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]

Popular posts from this blog

~සුභ උපන්දිනක් තාත්තා~ Happy Birthday dad~

Image
සඳ ගිලුනු අමාවකේ පාර පෙන්වූ තරු එළිය ඔබයි මට තාත්තේ සදාකල් දිදුලනා දිය නොමැති මරු කතරේ වැටුණු එකම දිය බිඳුව ඔබයි මට තාත්තේ සදා ජීවය දෙනා වියැළෙනා ගිම්හානේ වැටුණු එකම දිය බිඳුව ඔබය මට තාත්තේ සදා සිසිලස දෙනා ඔබම ජීවය දුනි ඔබම වීරිය දුනි සදාකල් මගේ දිවියේ වීරය ඔබ වුනි.... අද මගේ තාත්තාගේ උපන්දිනය. මේ ලොකේ ඉන්න හොඳ ම මනුස්සයා තාත්තා නොවෙන්න පුළුවන්. ඒත් මට නම් මේ ලොකේ ඉන්න හොඳ ම තාත්තා මගේ තාත්තා. තාත්තා අපිට සැර කරනවා. බනිනවා. ඒත් ඒ හැමදෙයක්ම පිටිපස්සේ තියෙන්නේ අපිට කරදරයක් නොවි බලාගැනිමේ බලාපොරොත්තුව. අපිට වැටෙන්න දෙන්න තාත්තා කැමති නැ. අපි දුක් වෙනවා බලන්න තාත්තා කැමති නැ. අපි ජීවිතේ හැමදාම සතුටින් ඉන්නවා බලන්න තමා තාත්තට ඕනේ. මම අද නීති පීඨය ඇතුලේ ඉන්නේත් මගේ තාත්තා නිසා. තාත්තාගේ ආසවයි මඟ පෙන්වීමයි නැති වුනා නම් මම නීතිය ඉගෙන ගන්නේ නැ. ඒ හැමදේකටම ස්තූතියි තාත්තා. ආදරේයි තාත්තට හැමදාම.   Today is my father's birthday. He may not the best person in the world but for me he is the best father in whole world. I'm here because of him. Because of his gu...
Read more

~සොෆීගේ ලෝකය~ "Sophie's World"

Image
මෙන්න මේක තමා පොත දර්ශනය ගැන ලියැවුන නවකාතාවක් ලෙස තමා මේ පොත ලෝක සාහිත්‍යයේ හැඳින්වෙන්නේ.දර්ශනයේ ආරම්භයේ සිට මේ වනතෙක් වර්ධනය මෙහි එක සීරුවට දක්වා තිබෙනවා. සොෆී ආමන්ඩ්සන්  14 හැවිරිදි දැරියක්.ඇයට හදිසියේ දිනක් නොදන්නා කෙනෙකුගෙන් ලිපි දෙකක් ලැබෙනවා..  "ඔබ කවුද?"[who are you?]  "ලෝකය ආවේ කොහෙන්ද?"[where does the world come from?] මේ ලිපි වලින් ඇරඹෙන දර්ශනය පිළිබඳ පාඨමාලාව [ඇයට ලිපි එවන ඇල්බෙර්ටෝ නොක්ස් නම් දාර්ශනිකයා කියන්නේ ඒ විදිහට] ඇයව වසර 3000ක් අතීතයට රැගෙන යනවා. සොක්‍රටීස්,ප්ලේටෝ,ඇරිස්ටෝටල් ගෙන් ආරම්භ වෙන දර්ශනවාදය කලින් කලට ඔප මට්ටම් වෙමින් ගලා එන අන්දම ඔහු ලිපි මගින් විස්තර කරනවා. මේ මුළු විශ්වයම සුදු ලොම් පිරිච්ච හාවෙක්ට සමාන කලොත් මිනිසුන් තමා ඒ හාවා මත ජීවත් වෙන කුඩා ප්‍රාණීන්. මිනිස්සු ගොඩාක් වෙලාවට කැමති ඒ ලොම් ඇතුලට ඇතුලටම වෙලා උණුහුමට සනීපයට හරි බරි ගැහිලා ඉන්න.ඒත් මේ අතරේ ඉන්නවා සුදු හාවාගේ ඇස් දිහා කෙලින් බලන්න හිතාගෙන ලොම් දිගේ උඩට නගින කට්ටියත්..එයාලා තමයි දාර්ශනිකයෝ..එයාලා තමා ලෝකයේ සැබෑ ස්වරූපය දකින්න උත්සහ කරන අය. ඔය විදිහට තමා යුස්...
Read more

මා නම් සඳකි පොළවට බට..

Image
සූර්ය රාජයා සයුරු පත්ලේ සැඟවෙන්න යද්දී සඳවතී සුපුරුදු ලෙසින් නිශායාමය එකළු කරමින් ගුවන් ගැබ වෙත පිවිසියා ය. කහ පැහැති සේද සළුව විසුරුවමින් ඇය රාත්‍රිය ඒකාලෝක කළේ ය. ලා කහ පැහැති රීදී සේලය මහ පොළොවේ ගස් මත, තැනිතලා මත ඇතුරූ ඈ තම සිරුරේ රශ්මි කදම්භයෙන් සුදු පාට මල් වලට ජීවය දුන්නා ය. කුරුළු කූඩූ වල නිදා සිටි චූටි කුරුළු පැටවුන්ට සීතල නොදැනෙන සේ ඈ සුළඟ ඈතට ඈතට තල්ලු කළා ය. සියල්ලම නිහඬය.  තමාට අයත් කාර්යයන් අවසන් කළ සඳවතී වටපිට බැලී ය. හාත්පසම සිඹින ලද නිහැඬියාවෙන් ඇය වෙහෙසට පත් විය. ලොවම නිදිගන්නා වේලාවේ තමා පමණක්ම ලොව දෙස බලා සිටීම ඇයට වෙහෙසකර විය. සියල් දිනයන් ඒකාකාරීය.. ඇයට සිතුණි. "මගේ දිවිය නම් ඒකාකරි බවින් පිරුණු කිසිදු සතුටක් නැති දිවියකි." ඇය කීවා ය. තමා හැර අනෙකෙකු නැති මේ රැයේ තමාට පිළිතුරක් හමු නොවෙන බව ඈ සිතුවා ය. නොදැනීම ඈට සුසුමක් හෙළුනි. හදිසියේ ඈට කවුරුන්ද තමා අමතන හඬක් ඇසුණි. "කවුරුන්ද ඒ? මා හට අඬගසන්නේ.." ඇය එදෙසට පාවී ගියා ය. "සඳ රාජිණියනි.. ඔබේ රුව නම් මායාකාරී ය.. මන්මත් වන සුළු ය.. ඔබේ රුව විඳගන්න ඔබේ පහසේ තැවරෙන්න ඉඩ හරිනු ම...
Read more